دونیا آزربایجانلیلارینین هم رای لیک گونو (31 دئکابر - 10 دی) آیریلیق دوارنین ییخیلدیغی و ساختا سرحدلرین قالدیریلدیغی گون اولاراق میلتیمیزین یادداشینا یازیلیبدیر و....
وطنیمیزین گونئی ینده، قوزئی ینده یاخود دونیانین هانسیسا اؤلکه‌سینده یاشایان هر بیر آزربایجان تورکو بوگونو میللی بیرلیک و برابرلیک گونو کیمی گؤرور.
باشی اوجا میلتیمیزین قهرمان اؤولاداری اؤز جانلاری و آل قانلارینی فدا ائد‌رک بوگون بیزه غورورلو و ایفتیخار دولو بیر تاریخ میراث بوراخیبلار. شوبهه یوخدور کی بوگون آزربایجانیمیزن اوچ رنگلی بایراغینین گؤی خزرین اوستونده دالغالانماسینی روس ائمپئریالیزمینین سیبیریادا جانینا قییدیغی و اعداما محکوم ائتدیگی مینلرجه آزربایجان اؤولادینا بورجلویوق. عئینی شکیلده بوگون گونئی آزربایجاندا رنگینی شهیدلریمیزین آل قانیندان آلان میللی موجادیله‌میز وار گوجو ایله قاباغا گئدیرسه و فارس شووئنیزمینین جانینا قورخو سالیبسا بو کئچمیشده و بوگون جانینی و مالینی میلتیمیزدن اسیرگمه‌ین ایگیدلریمیزین فداکارلیقلارینین سایه‌سینده‌دیر.
یالنیز نه یازیق کی دوشمنلر میلتیمیزه ضربه وورماقدان و آیاغینین آلتینی قازماقدان بئزیب اوسانمیرلار. قاراباغیمیز ائرمنی ایشقالی آلتیندا اینله‌ییر و گونئی آزربایجان فارس شووئنیزمینین تاپداغینین آلتیندادیر. بو شرطلرده بوتؤو آزربایجانیمیزدا میللی موجادیله وار گوجویله قاباغا آپاریلمالیدیر و اؤزللیکله گنجلریمیز جانیم باشیم دئمه‌دن مئیداندا اولمادیرلار. بئلنچی بیر گونده‌دیر کی میللی بیرلیک و همریلییه چوخ احتیاجیمیز واردیر. دوشمن آزربایجان تورکلوگونو تک پارچا بیر یومروق اولاراق گؤرمه‌لی و قورخوسوندان جانینا سهم اوتورمالیدیر.
آزربایجان میلی دیرنیش تشکیلاتی دونیا آزربایجانلیلارینین همریلیک گونونو (31 دئکابر- 10دئی) آزربایجان تورک میلتینین هر بیر فردینه تبریک دئییب بیر داها بوتون اینسانلاریمیزی بیرلیک، برابرلیک و هم رای لیگه دعوت ائدیر.
آزربایجان میلی دیرنیش تشکیلاتی
آ م د ت
گونئی آزربایجان
10\10\1390
هیچ نظری موجود نیست:
ارسال یک نظر