ساوالان پورت : خوجالي سويقيريمينين تؤره‌ديلمه‌سينده ايرانين الي اولوب
فئورالين 26-دا آذربايجان، تورکييه ايجتيماعيتي، ائلجه ده دونيانين موختليف اؤلکه‌لرينده ياشايان سويداشلاريميز خوجالي فاجيعه سينين 20-جي ايلينده سويقيريم قوربانلاريني آندي. آما ايراندا ياشايان 35 ميليون سويداشيميزا خوجالي فاجيعه سينين ايلدؤنومونو آنماغا، کوتلوي آکسييالار کئچيريلمه‌سينه ايمکان وئريلمه‌دي. دوزدور، گونئيلي سويداشلاريميز موختليف فورمالاردا سويقيريم قوربانلارينين خاطيره‌سيني ياد ائتدي، بو هاقدا بياناتلار يايديلار، ائرمني-داشناک فاشيستلرينين تؤرتديگينه اؤز اعتيراضلاريني بيلديرديلر. «تراکتور»ون اويونو تورکون هاراي مئيدانينا چئوريلدي. چونکي ميللي کيمليگيني، ميللي طلبلريني باشقا جور اورتايا قويماق مومکون دئييل.
فئورالين 26-دا آذربايجان، تورکييه ايجتيماعيتي، ائلجه ده دونيانين موختليف اؤلکه‌لرينده ياشايان سويداشلاريميز خوجالي فاجيعه سينين 20-جي ايلينده سويقيريم قوربانلاريني آندي. آما ايراندا ياشايان 35 ميليون سويداشيميزا خوجالي فاجيعه سينين ايلدؤنومونو آنماغا، کوتلوي آکسييالار کئچيريلمه‌سينه ايمکان وئريلمه‌دي. دوزدور، گونئيلي سويداشلاريميز موختليف فورمالاردا سويقيريم قوربانلارينين خاطيره‌سيني ياد ائتدي، بو هاقدا بياناتلار يايديلار، ائرمني-داشناک فاشيستلرينين تؤرتديگينه اؤز اعتيراضلاريني بيلديرديلر. «تراکتور»ون اويونو تورکون هاراي مئيدانينا چئوريلدي. چونکي ميللي کيمليگيني، ميللي طلبلريني باشقا جور اورتايا قويماق مومکون دئييل.
فارس-موللا رئژيمي ميليونلارلا سويداشيميزين خوجالي سويقيريميني ياد ائتمه‌سينه ايجازه وئرمه‌دي. سببي ده او ايدي کي، رسمي تئهران «خوجالييا عدالت» ايدئياسينين ميللي ايدئيايا چئوريلديگيني باشا دوشور، بيلير کي، بو ايدئيا بوتون آذربايجانليلاري روحن، منن بيرلشديرير. بو ايسه فارس رئژيميني حددن آرتيق تلاشلانديرير.
35 ميليون آذربايجان تورکونون قوزئي آذربايجانين دردينه شرعيک اولماسي، خوجالي سويقيريميني تؤره‌دنلر، قاراباغي ايشغال ائدنلره نيفرينلر ياغديرماسي فارس-موللا رئژيميني ائرمنيلردن آز ناراحات ائتمير. ائرمنيلرين قوندارما سويقيريم گونونو قئيد ائتمک اوچون تئهراندا اونلارا گئنيش شراييط يارادان تئوکراتيک رئژيمين فاکتيکي اولاراق موسلمان، تورک دوشمني اولماسي بير داها اورتايا چيخير. تأسوف کي، بورادا بير مسله ندنسه اونودولور. خاتيرلاديم کي، محض خوجالي فاجيعه سيندن بير گون اول ايرانين واسيطه‌چيليگي ايله 3 گونلوک آتشکس حاقيندا راضيلاشما الده اولونموشدو. فئورالين 26-دا معلوم اولدو کي، فارس رئژيمي خوجالييا گئنيشميقياسلي هوجوما کئچمه‌سي اوچون ائرمنيلره واخت قازانديريب، ديقتي يايينديريب. حالبوکي، همين آتشکس گونلرينده دؤيوشلر زاماني هلاک اولانلارين مئييدلري ييغيلمالي ايدي. بو فاکتا ديقت يئتيريلمه‌سهده ايران رئژيمينين آذربايجان خالقينا قارشي دوشمنچيليگي نؤوبتي دفعهشوشانين ايشغالي زاماني اؤزونو گؤستردي. خاتيرلاداق کي، 1992-جي ايل ماي آيينين 8-د، شوشانين ايشغاليندان ايکي گون اول ايرانين واسيطه‌چيليگي ايله (خوجالي سويقيريمي عرفه سينده اولدوغو کيمي) آذربايجان و ائرمنيستان آراسيندا 9 گونلوک آتشکس راضيلاشماسي الده اولونموشدو.عالي سووئتين صدري ياقوب محمدوو تئهرانا گئدر-گئتمز شوشانين ايشغال اولونماسي خبريني ائشيديب گئري قاييتميشدي. ديگر رايونلاريميز ايشغال اولونان زامان ايرانين فارس-موللا رئژيمينين اويناديغي بدنام، اينسانليغا، موسلمانليغا ياراشمايان رول دا خاطيرالردن سيلينمه‌ييب. بير ميليون قاچقين و مجبوري کؤچکون اوردوسو ايله اوزلشن آذربايجان «هومانيتار يارديم» آدي آلتيندا اؤلکه‌ميزه نوفوز ائتمه‌يه چاليشان ايرانين تخريبات و تفريقه‌لرينين، جاسوسلوق فعاليتينين شاهيدي اولدو. همين ايللرده مطبوعات سهيفلرينده فارس-موللا رئژيمينين يوزلرله گنجي ديني تحصيل آدي آلتيندا ايرانين قوم، مشهد شهرلرينه آپارماسي، تئررورچو، «ايسلام اينقيلابي ايخراج»اتچيسي کيمي يئتيشديرمه‌سي و س. حاقيندا دفعه لرله يازيليب.
«موسلمان» ايران بيرباشا ايشغالچي ائرمنيستانا دستک وئريب، حتّي ائرمنيلرين پرئزيدئنتلييه ناميزدلري دفعه لرله ايراندان گلن مئهري يولونو «حيات يولو» آدلانديرميشلار. فارس-موللا رئژيمينين ايشغال آلتينداکي آذربايجان تورپاقلارينين تالان ائديلمه‌سينده ائرمنيلرله بيرگه فعاليت گؤسترمه‌سي ده دفعه لرله ثوبوتا يئتيريب. آذربايجان خالقي «آلوو» و «شرق» ياتاقلاريندا کشفيات آپاران گميلريمزين تهديد اولونماسيني، ايرانين حربي طيارهلرينين هاوا سرحديميزي پوزماسيني دا اونوتماييب. بودورمو، فارس-موللا رئژيمينين موسلمانچيليغي؟ بين الخالق تئرروريزمي، «حزب الله، «حماس» کيمي تئررور تشکيلاتلاريني دستکله‌ين فارس-موللا رئژيمينين آذربايجاندا تئررور آکسييالاري تؤرتمک نيتلرينين قارشيسي دفعه لرله آلينيب. آما سون ايللرده بير داها آيدين اولور کي، ايران حقيقتن ده بين الخالق تئرروريزمي دستکله‌ين اؤلکه‌دير، جورج بوشون تعبيرينجه دئسک، «شر اوچبوجاغينا» داخيلدير. بونو ايرانين موختليف گوج و کشفيات استروکتورلاري ايله باغلي تئررور قروپلارينين ايفشا اولونماسي دا بير داها تصديقله‌يير. رسمي تئهران آذربايجاندا ايجتيماعي-سياسي وضعيتي گرگينلشديرمه‌يه، «ايسلام اينقيلابي ايخراج ائتميه» چاليشير، بونو تئررور قروپلارينين الي ايله دين پرده‌سي آلتيندا حياتا کئچيرمک نيتينده‌دير. تکجه باکيدا ايرانين سفيرليگي، کونسوللوغو ايله ياناشي، 16 تشکيلات نوماينده‌ليگي (قيرميزي آيپارا جمعيتي، ايمام خومئيني ايسلام خئيريييه جمعيتي، ايران هاوا يوللارينين نوماينده‌ليگي، ايران گميچيليگينين نوماينده‌ليگي، «سحر» تئلئکانالي، «فارس» آگئنتليگي، «ايران» قزئتي»، «حوسینیه» مسجيدي و س.) جاسوس فعاليتي ايله مشغولدور. بو شبکه‌يه نه قدر گيزلي قروپلارين، شخصلرين عاييد اولماسيني سؤيله‌مک چوخ چتيندير.
حالبوکي آذربايجان رئسپوبليکاسينين ايراندا بير سفيرليگي، بير ده تبريزده کونسوللوغو فعاليت گؤسترير. بئله بير موقاييسه آچيق-آيدين شکيلده گؤسترير کي، فارس-موللا رئژيمي بد نيتليدير.
آرتيق 20 ايلدير کي، اؤلکه‌ميزه «ايسلام اينقيلابي» ايله ياناشي؟ نارکوتيکا ايخراجي ايله ده مشغول اولان فارس رئژيمي گوندن-گونه داها دا حياسيزلاشير. بين الخالق ايجتيماعيتين سانکسييالاري ايله اوزلشن رسمي تئهرانين غضبيني، کينيني، نيفرتيني آذربايجان رئسپوبليکاسينين اوزرينه يؤنلتمه‌سي داها آيدين شکيلده اؤزونو گؤسترير. هووه پروقرامي حياتا کئچيره‌رک بوتون رئگيونا تهلوکه يارادان تئوکراتيک رئژيم آذربايجان رئسپوبليکاسينين سيماسيندا اؤزونه رقيب گؤرور. اونا گؤره ده آذربايجان ايجتيماعيتي، ائلجه ده گونئيلي سويداشلاريميز کيفايت قدر احتياطلي اولماليدير. چونکي فارس-موللا رئژيمي آذربايجان دؤولتچيليگيني محو ائتمک اوچون هر جور اجلافليغا ال آتير.
منبع : آزربایجان خالق جبهه سی قزئتی
هیچ نظری موجود نیست:
ارسال یک نظر