ساوالان پورت : موغانين
ساري گبه‌لي کندينده (يندي بو کند فيروزاباد آدلانير و پارسابادين قصبه
لريندندير) آنامين قوهوملاري ياشيرديلار. بو کند 1350-جي ايلدن قاباق
بيديلي طايفاسينين قيشلاقلاريندان بيري ايدي. بو کند سووئت آذربايجانين
سرحددينده يرلشير. سونرالار بو طايفانين آداملاري کوچري حياتيندان ال چکيب و
قيشلاغين 5 کم-دا کند ساليب و آديني فيروزاباد قويدولار. آما طايفا
آراسيندا هله ده ساري گبلي آديلا مشهوردو و شيمالي آذربايجان سرحدديله 6
کم-يه ياخين مسافه‌ده يئرلشير. بو کندين چوخ مئهريبان و قوناقپرور آهاليسي
وار. دوغرودور کي، نئچه ايلدير شاهسئونچيليک حياتي سورمورلر، آما هله ده
اونون عادت-عنعنه سي بو طايفانين آداملارنين آراسيندا حاکيمدير. بو کندين
90 فايزي بير-بيريله چوخ ياخين قوهوملوقلاري وار. هله ده منيم داييلاريم و
خالالاريم بو کندده ياشاييرلار.
من چوخ تئز-تز بو کنده گئدرديم. بو کندده منيم ايسماييل آدلي دايي اوغلوم وار ايدي، کنده يئتيشن آن يانيمدا حاضير اولاردي. او دا بيليردي کي، منيم ان سئويملي گزمک يئريم هارادي. قوهوم قبيله توپلاشارديلار کي، مني گؤرسينلر، آما بير بهانه ايله آرادان چخيب و تئزليکله 10 نفره ياخين اوشاغي توپلايارديق و ماشين يا تراختورلا سرهدده گئدرديک. اوشاقلار سرهدده باش وئرن اؤز خاطيره‌لريني يول اوزونو دانيشارديلار. سرحددين او تاييندا فهله‌لرين نئجه ايشلمه‌لريندن و قادينلارين پامبيق ييغمالاريندن و کنديليلرين قويونلارنين سرحددي پوزماسيندان و چئر(چپ گؤز) الينين روس سالداتلارنين قرارگاهيندان اوغورلوقوندان و س. دانيشارديلار.
آما ان شيرين خاطيره خالام اوغلو رسولون قويونلارنين سرحددي کچمگيني چوخ ياغلي-دوزلو اوشاقلار گوله-گوله دئيرديلر. گويا بير گون رسولون قويونلاري سووئت آذربايجاني طرفينه کئچر و روس عسگرلر ده سرحد بويو دوزولوب قارووول وئريرميشلر. او، قورخوسوندان سرحدده دايانار، اوزون توتوب سالداتلارا طرف دئير کي، آي مشهه‌دي اوروس هئي، سن ابولفزل او قويونلاري قايتار بو يانا. روس عسگرلريني چاغيرسايدي دا قاييديب باخمازديلار، اوزلريني سووئت آذربايجاني طرفينه چئويريب آرخالاري بيزه طرف قالاردي. داش آتسايدين دا قاييديب باخمازديلار.
بيزين ان سئويملي و سئوينجلي گونلريميز او واخت اولوردو کي، سووئت آذربايجاني طرفينده فهله‌لر گليب او تايدا ايشلرديلر. بيزه ايسماييل، نئجه سرحدده داورانماغي اؤيره‌دهردي، بئله چاغيرين، ائله دانيشين، قورخمايين، بئله ائتسنيز روس سالداتلاري سيزه رئاکسييا وئره‌جکلر. بيزده آنجاق ايسته‌ييرديک کي، نه اولورسا-اولسون اونلار بيزين حرکتلريميزه رئاکسييا وئرسينلر. آما اونلار ائله بيل کي، اويولموش بير جانسيز هئيکل ايديلر. حتّي بير-بيري ايله ده دانيشميرديلار. ايسماييل بيزه بير شعر اؤيرتميشدي کي، هاميليغا بيردن اوخوياق، او شعري ايسماييل هارادان اؤيرنميشدي هله ده بيلميريک. او، چوخ دويغولو و کؤورک بير اينسان ايدي، اونون سياسي ساوادي اولماسا دا او زامان چوخ گؤزل بير دوشونجه‌سي وار ايدي. ائلينه و ديلينه باغلي بير شخص ايدي، هاميميز آغيز-آغيزا وئريب اوخويارديق:
اولدوزلاري سايا سايا
اينسان آياق قويودو آيا
نييه بو تايدان او تايا
کچمميرم سندن آراز
هله ده بيلميرم بو شعر کيميندير. آما بيز حتّي مضمونون بيلمه‌دن 10-يا ياخين اوشاق بير مارش کيمي تکرار-تکرار اوخويارديق. هئچ بير سياسي دوشونجه صاحيبي ده دئييلديک، آخي هله بيزين 10 ياشيميز يوخ ايدي. آما ايندي ده منه تجوب دوغران بودور کي، بو دويغو، بو دوشونجه بيزه هارادان ايلهام اولموشدو. نئچه دقيقهکئچمدن گؤروردوک او تايدان فهله‌لرين ايچيندن "قاراگيله" ماهنيسييلا جاواب وئرديلر. بونون معناسيني او زامانلار دويا بيلميرديک کي، بو ماهني هانسي مفهوملار داشير؟ بلکه ده بو ماهنيني اوخويان دا بيزين کيمي بيلميردي؟ نه بيليم کي!
دوغروسو، بيلمک اولمور ک، طالع اينسانين آلنينا نه يازير. گونلر، آيلار، ايللر اؤتدو بويا-باشا چاتديم، عاغليما سيغمايان بئله باشيما گلدي. طالع بئله گتيردي کي، من اؤزوم ده او تايا گئتديم. ايلده نئچه دفعهباکيدان ايميشلي شهرينه گئدرديم، همين سرحدده دوروب، وطنين عطريني دويام .
بو دفعهده او تايدان دوروب بو تايا باخيرديم. آما بو دفعه هر ايکي طرفدن گؤرونوردو کي، نئجه قالين-قايم مفتوللري کئچميشدن ده مؤهکم سرحدلرده برپا ائديبلر. سرحدده قو ووروردون قولاق توتولوردو، همين شعري يئنه اؤز-اؤزومه زوم-زومه ائديرديم، آما نه او تايدا اوشاقلار وار ايدي، نه بو تايدا فهله‌لر، نه منيم سسيمه قاراگيله ماهنيسيني اوخويان!
من چوخ تئز-تز بو کنده گئدرديم. بو کندده منيم ايسماييل آدلي دايي اوغلوم وار ايدي، کنده يئتيشن آن يانيمدا حاضير اولاردي. او دا بيليردي کي، منيم ان سئويملي گزمک يئريم هارادي. قوهوم قبيله توپلاشارديلار کي، مني گؤرسينلر، آما بير بهانه ايله آرادان چخيب و تئزليکله 10 نفره ياخين اوشاغي توپلايارديق و ماشين يا تراختورلا سرهدده گئدرديک. اوشاقلار سرهدده باش وئرن اؤز خاطيره‌لريني يول اوزونو دانيشارديلار. سرحددين او تاييندا فهله‌لرين نئجه ايشلمه‌لريندن و قادينلارين پامبيق ييغمالاريندن و کنديليلرين قويونلارنين سرحددي پوزماسيندان و چئر(چپ گؤز) الينين روس سالداتلارنين قرارگاهيندان اوغورلوقوندان و س. دانيشارديلار.
آما ان شيرين خاطيره خالام اوغلو رسولون قويونلارنين سرحددي کچمگيني چوخ ياغلي-دوزلو اوشاقلار گوله-گوله دئيرديلر. گويا بير گون رسولون قويونلاري سووئت آذربايجاني طرفينه کئچر و روس عسگرلر ده سرحد بويو دوزولوب قارووول وئريرميشلر. او، قورخوسوندان سرحدده دايانار، اوزون توتوب سالداتلارا طرف دئير کي، آي مشهه‌دي اوروس هئي، سن ابولفزل او قويونلاري قايتار بو يانا. روس عسگرلريني چاغيرسايدي دا قاييديب باخمازديلار، اوزلريني سووئت آذربايجاني طرفينه چئويريب آرخالاري بيزه طرف قالاردي. داش آتسايدين دا قاييديب باخمازديلار.
بيزين ان سئويملي و سئوينجلي گونلريميز او واخت اولوردو کي، سووئت آذربايجاني طرفينده فهله‌لر گليب او تايدا ايشلرديلر. بيزه ايسماييل، نئجه سرحدده داورانماغي اؤيره‌دهردي، بئله چاغيرين، ائله دانيشين، قورخمايين، بئله ائتسنيز روس سالداتلاري سيزه رئاکسييا وئره‌جکلر. بيزده آنجاق ايسته‌ييرديک کي، نه اولورسا-اولسون اونلار بيزين حرکتلريميزه رئاکسييا وئرسينلر. آما اونلار ائله بيل کي، اويولموش بير جانسيز هئيکل ايديلر. حتّي بير-بيري ايله ده دانيشميرديلار. ايسماييل بيزه بير شعر اؤيرتميشدي کي، هاميليغا بيردن اوخوياق، او شعري ايسماييل هارادان اؤيرنميشدي هله ده بيلميريک. او، چوخ دويغولو و کؤورک بير اينسان ايدي، اونون سياسي ساوادي اولماسا دا او زامان چوخ گؤزل بير دوشونجه‌سي وار ايدي. ائلينه و ديلينه باغلي بير شخص ايدي، هاميميز آغيز-آغيزا وئريب اوخويارديق:
اولدوزلاري سايا سايا
اينسان آياق قويودو آيا
نييه بو تايدان او تايا
کچمميرم سندن آراز
هله ده بيلميرم بو شعر کيميندير. آما بيز حتّي مضمونون بيلمه‌دن 10-يا ياخين اوشاق بير مارش کيمي تکرار-تکرار اوخويارديق. هئچ بير سياسي دوشونجه صاحيبي ده دئييلديک، آخي هله بيزين 10 ياشيميز يوخ ايدي. آما ايندي ده منه تجوب دوغران بودور کي، بو دويغو، بو دوشونجه بيزه هارادان ايلهام اولموشدو. نئچه دقيقهکئچمدن گؤروردوک او تايدان فهله‌لرين ايچيندن "قاراگيله" ماهنيسييلا جاواب وئرديلر. بونون معناسيني او زامانلار دويا بيلميرديک کي، بو ماهني هانسي مفهوملار داشير؟ بلکه ده بو ماهنيني اوخويان دا بيزين کيمي بيلميردي؟ نه بيليم کي!
دوغروسو، بيلمک اولمور ک، طالع اينسانين آلنينا نه يازير. گونلر، آيلار، ايللر اؤتدو بويا-باشا چاتديم، عاغليما سيغمايان بئله باشيما گلدي. طالع بئله گتيردي کي، من اؤزوم ده او تايا گئتديم. ايلده نئچه دفعهباکيدان ايميشلي شهرينه گئدرديم، همين سرحدده دوروب، وطنين عطريني دويام .
بو دفعهده او تايدان دوروب بو تايا باخيرديم. آما بو دفعه هر ايکي طرفدن گؤرونوردو کي، نئجه قالين-قايم مفتوللري کئچميشدن ده مؤهکم سرحدلرده برپا ائديبلر. سرحدده قو ووروردون قولاق توتولوردو، همين شعري يئنه اؤز-اؤزومه زوم-زومه ائديرديم، آما نه او تايدا اوشاقلار وار ايدي، نه بو تايدا فهله‌لر، نه منيم سسيمه قاراگيله ماهنيسيني اوخويان!
هیچ نظری موجود نیست:
ارسال یک نظر