هر آخشام ميليونلارلا ایزله ییجی نین ايزله‌ديگي "جان استوارتلا گونده‌ليک شوو"ون فئورالين 13-ده ائفيره چيخان پروقراميندا علي صوفان اورتا دوغو و بولگه ده بوگونکو دورومو شرح ائده‌رک، ديقتي ايراندا يارانميش داخيلي وضعيته چکيب. او، ايرانين مونوائتنيک دئييل، بير چوخ ائتنيک قروپلارين ياشاديغي بير اؤلکه اولدوغونو قئيد ائديب. علي صوفان بيلديريب کي، ايران اهاليسينين تخمينن 51 فايزيني فارسلار، 40 فايزيني ايسه آذربايجانليلار تشکيل ائدير.
"آذربايجانليلار تورک منشالي خالقدير و تاريخن فارسلار و آذربايجانليلار آراسيندا موناسيبتلر ياخشي اولماييب. بونونلا ياناشي، بورادا عرب منشالي اهوازلار، بلوچلار ياشايير و بو ائتنيک قروپلار فارسلارين حاکمیت ائتمه‌سينه قارشي اولوب"-دئيه او بيلديريب.
آپاريجي جان استوارتين آذربايجانليلارين تورکييه ايله ياخينليغيندان ايرانين نه درجه‌ده قيجيقلانديغي سوالينين جاوابيندا علي صوفان دئييب کي، تورکيه‌نين ياخين شرقده و مرکزي آسیادا رولو آرتير و ايران بوندان چوخ ناراحاتدير، چونکي اونو احاطه ائدن اؤلکه‌لرين چوخوندا تورک اصيللي خالقلار ياشايير. اونون سؤزلرينه گؤره، مرکزي آسیادا هر هانسي بير ائتنيک حرکات بولگه ده ايرانين نفوذونون آزالماسينا گتيريب چيخاراجاق. ائکسپئرت بورادا ايرانين داغليق قاراباق موناقيشه‌سينين حلينده بوتون دونيادا شيعه‌لرين مودافيعه چيسي اولدوغونو دئمه‌سينه باخماياراق، قونشوسو شيعه آذربايجاني دئييل، اورتودوکست خريستيان اولان ائرمنيستاني دستکله‌ديگيني قئيد ائديب.
"آذربايجان تورکييه ايله ياخين علاقه لره ماليکدير و اهاليسي تورک منشالي خالقدير، بونا گؤره ده ايران قورخور کي، آذربايجان موناقيشه‌ده قلبه چالسا، او محاصيره‌يه آلينميش اولاجاق"-دئيه علي صوفان بيلديريب.
علي صوفان لبنان اصیللی آمئريکالي اوزمان دير. او، فئدئرال آراشدیرمالار بولومونون اوزل آگئنتي کيمي آمئریکا-دا و دونيا اؤلکه‌لرينده ضد-تررور عملياتلاري و آراشدیرمالار پروسئسلرينده ايشتيراک ائديب. او، عصامه بن لادئنين سوروجوسوسو و موحافيظ چيسي اولموش سليم همدان و بن لادئنين مطبوعات کاتيبي اولموش علي ال-بهلولدان ده يرلي اينفورماسييانين آلينماسيندا اونملی رول اويناييب.
علی صوفانين 11 سئنتيابر اولای لاریندان سونرا آمئریکا-دا تئرروريزمه قارشی موباريزه حاقدا يازديغي کيتاب 2011-جي ايلده ايشيق اوزو گؤروب.وئرلیشی بوردان ایزله یه بیلرسینیز
: http://www.metacafe.com/watch/8092591/2012_02_13wm
منبع: یورد نت
هیچ نظری موجود نیست:
ارسال یک نظر