ساوالان پورت : ايراندا آذربايجانلي سياسي محبوسلاريني مودافيعه بيرليگينين (آداپ) باشچيسي فاخته لونا زماني وانکووئرين اودلار يوردو راديوسو ايله دانيشيقدا سون گونلرده کئچيرديگي آوروپا گؤروشلري حاقيندا بيلگي وئريب.
آداپ باشچيسي 2012 مارت آييندا ژنو، استکهلم و لندن شهرلرينده آزليقلار حاقلاري قروبو (ام.آر.گ)، تمثيل اولونمايان ميلتلر و خالقلار تشکيلاتي (یو.ان.پو)، اولوسلار آراسي عفو تشکيلاتي و بيرلشميش ميلتلر تشکيلاتينين تمثيلچيلري ايله گؤروشوب و ايراندا ياشايان آذربايجان تورکلرينين حاقلارينين تاپدالانماسي حاقيندا اونلارلا موزاکيره ائديب.
خانيم زامانينين اودلار يوردو راديوسونا دئديکلرينه گؤر، او ژئنور‌ده بيرلشميش ميلتلر تشکيلاتينين ايلليک اينسان حاقلاري توپلانتيسي ايله کئچيريلن ايجلاسلارين بيرينده ايشتيراک ائديب. ام.آر.جی و یو.ان.پو نون تشکيلاتچيليغي ايله کئچيريلن بو ايجلاسيندا اونونلا بيرليکده ايراندا ياشايان عرب و بلوچ خالقلارينين تمثيلچيلري ده ايشتيراک ائديب. عئيني گونلرده ايرانلي گروپلارين تشکيلاتچيليغي ايله باشقا ايجلاسلار دا کئچيريليب آنجاق آداپ بو ايجلاسلارا قاتيلماييب. آداپ باشچيسي ايرانلي قروپلارين طرفيندن تشکيل اولان ايجلاسلارا قاتيلماديغينين سببيني بئله آچيقلايير: بيز هر زامان خاريجي قروپلارلا ايشله‌مگه اوستونلوک وئرمیشيک. بيزم تجروبه‌لريميزه گؤره، ايرانلي گروپلار مسله‌لري اؤز ايسته‌ديکلري کيمي و اونلارين ايشلرينه گلديگي شکيلده اورتایا قویورلار. اونلاين چوخو آذربايجانليلاري دعوت ائتمکله اؤز اعتيبارلاريني چوخالتماق اوچون چاليشيرلار.
عفو تشکيلاتينين ايسوئچ قولو ايله گؤروشمه‌لرده، آداپ-اي ايسوچ پارلامئنتينده ايراندا سؤز آزادليغي ايله باغلي چيخيشلار اوچون دعوت ائديبلر. آداپين محدود ايمکانلارينا باخاراق، ايسوئچ سفري کئرچکلشئرسه، آداپ تمثيلچيسينه ايسوئچلي ميلت وکيللري ايله اؤزل گؤروشمه اوچون ده ايمکان وئريله‌جکدير.
فاخته زاماني بيرلشمیش ميلتلرين ايران اوزره اؤزل راپورتورو دوکتور احمد شهيد ايله ده گؤروشوب. اؤزل راپورتؤرون سون آيلاردا يايديغي بياناتيندا ايراندا ياشايان آذربايجانليلار حاقيندا چوخ آز معلومات وئرميشدي. خانيم زاماني بونون ندنيني بئله آچيقلايير: بيزيم آداپ-دا ايمکانلاريميز چوخ محدوددور. بونا گؤره ده باشقا گروپلارين چاليشديغي ساحه لرده انرژيميزي صرف ائتمه‌مه‌يه چاليشيريق. احمد شهيد ايله باغلي باشقا آذربايجان گروپلارينين چاليشديقلاريني ائشيتميشديم، بونا گؤره بيز آداپ اولاراق فعال اولماديق. آنجاق اينگيلتره‌ده اولدوغوم زامان، احمد شهيد ايله بيرليکده ايکي گونلوک بير توپلانتيا دعوت ائديلديکتن سونرا اونونلا گؤروشوب و اونون فعالييتي ايله ياخيندان تانيش اولدوم. بو ايکي گونلوک سئميناردا ايراندا آذربايجانليلارين چئشيدلي سورونلاری ايله باغلي احمد شهيده معلومات وئريب و اوندان کئچميش راپورلاريندا آذربايجان مسلئه سينين يئترينجه طرح اولماماسي حاقيندا سوروشدوم. دوکتور شهيدين دئديکلرينه گؤره اونا دقيق و تخصوصي راپورلار وئريلمه‌يب. آداپ اولاراق، بوندان سونرا، بو ساحه ده جيدي شکيلده چاليشماغا قرار وئرميشيک، دئييب آداپ باشچيسي فاخته لونا زاماني.
فاخته زاماني بو چاليشمالاردا بوتون آذربايجان فعاللاريندان يارديم ايسته‌ييب: لوطفا" آذربايجان فعاللاري اؤزلري و يا ياخينلارينين معروض قالديقلاري حاقسيزليقلارلا باغلي بيزه معلومات وئرسينلر. حبسلر، ايشکنجه‌لر، اورمو گؤلو سورونو، تحقيرلر، موسيقيچيلر و باشقا صنعتچيلرين معروض قالديقلاري باسقیلار حاقيندا سندلر لازيمدير. بو ظولملره معروض قالانلارين دانيشيب باشلارينا گلنلري آنلاتمالاري گرکليدير.
آداپ باشچيسي 2012 مارت آييندا ژنو، استکهلم و لندن شهرلرينده آزليقلار حاقلاري قروبو (ام.آر.گ)، تمثيل اولونمايان ميلتلر و خالقلار تشکيلاتي (یو.ان.پو)، اولوسلار آراسي عفو تشکيلاتي و بيرلشميش ميلتلر تشکيلاتينين تمثيلچيلري ايله گؤروشوب و ايراندا ياشايان آذربايجان تورکلرينين حاقلارينين تاپدالانماسي حاقيندا اونلارلا موزاکيره ائديب.
خانيم زامانينين اودلار يوردو راديوسونا دئديکلرينه گؤر، او ژئنور‌ده بيرلشميش ميلتلر تشکيلاتينين ايلليک اينسان حاقلاري توپلانتيسي ايله کئچيريلن ايجلاسلارين بيرينده ايشتيراک ائديب. ام.آر.جی و یو.ان.پو نون تشکيلاتچيليغي ايله کئچيريلن بو ايجلاسيندا اونونلا بيرليکده ايراندا ياشايان عرب و بلوچ خالقلارينين تمثيلچيلري ده ايشتيراک ائديب. عئيني گونلرده ايرانلي گروپلارين تشکيلاتچيليغي ايله باشقا ايجلاسلار دا کئچيريليب آنجاق آداپ بو ايجلاسلارا قاتيلماييب. آداپ باشچيسي ايرانلي قروپلارين طرفيندن تشکيل اولان ايجلاسلارا قاتيلماديغينين سببيني بئله آچيقلايير: بيز هر زامان خاريجي قروپلارلا ايشله‌مگه اوستونلوک وئرمیشيک. بيزم تجروبه‌لريميزه گؤره، ايرانلي گروپلار مسله‌لري اؤز ايسته‌ديکلري کيمي و اونلارين ايشلرينه گلديگي شکيلده اورتایا قویورلار. اونلاين چوخو آذربايجانليلاري دعوت ائتمکله اؤز اعتيبارلاريني چوخالتماق اوچون چاليشيرلار.
عفو تشکيلاتينين ايسوئچ قولو ايله گؤروشمه‌لرده، آداپ-اي ايسوچ پارلامئنتينده ايراندا سؤز آزادليغي ايله باغلي چيخيشلار اوچون دعوت ائديبلر. آداپين محدود ايمکانلارينا باخاراق، ايسوئچ سفري کئرچکلشئرسه، آداپ تمثيلچيسينه ايسوئچلي ميلت وکيللري ايله اؤزل گؤروشمه اوچون ده ايمکان وئريله‌جکدير.
فاخته زاماني بيرلشمیش ميلتلرين ايران اوزره اؤزل راپورتورو دوکتور احمد شهيد ايله ده گؤروشوب. اؤزل راپورتؤرون سون آيلاردا يايديغي بياناتيندا ايراندا ياشايان آذربايجانليلار حاقيندا چوخ آز معلومات وئرميشدي. خانيم زاماني بونون ندنيني بئله آچيقلايير: بيزيم آداپ-دا ايمکانلاريميز چوخ محدوددور. بونا گؤره ده باشقا گروپلارين چاليشديغي ساحه لرده انرژيميزي صرف ائتمه‌مه‌يه چاليشيريق. احمد شهيد ايله باغلي باشقا آذربايجان گروپلارينين چاليشديقلاريني ائشيتميشديم، بونا گؤره بيز آداپ اولاراق فعال اولماديق. آنجاق اينگيلتره‌ده اولدوغوم زامان، احمد شهيد ايله بيرليکده ايکي گونلوک بير توپلانتيا دعوت ائديلديکتن سونرا اونونلا گؤروشوب و اونون فعالييتي ايله ياخيندان تانيش اولدوم. بو ايکي گونلوک سئميناردا ايراندا آذربايجانليلارين چئشيدلي سورونلاری ايله باغلي احمد شهيده معلومات وئريب و اوندان کئچميش راپورلاريندا آذربايجان مسلئه سينين يئترينجه طرح اولماماسي حاقيندا سوروشدوم. دوکتور شهيدين دئديکلرينه گؤره اونا دقيق و تخصوصي راپورلار وئريلمه‌يب. آداپ اولاراق، بوندان سونرا، بو ساحه ده جيدي شکيلده چاليشماغا قرار وئرميشيک، دئييب آداپ باشچيسي فاخته لونا زاماني.
فاخته زاماني بو چاليشمالاردا بوتون آذربايجان فعاللاريندان يارديم ايسته‌ييب: لوطفا" آذربايجان فعاللاري اؤزلري و يا ياخينلارينين معروض قالديقلاري حاقسيزليقلارلا باغلي بيزه معلومات وئرسينلر. حبسلر، ايشکنجه‌لر، اورمو گؤلو سورونو، تحقيرلر، موسيقيچيلر و باشقا صنعتچيلرين معروض قالديقلاري باسقیلار حاقيندا سندلر لازيمدير. بو ظولملره معروض قالانلارين دانيشيب باشلارينا گلنلري آنلاتمالاري گرکليدير.
هیچ نظری موجود نیست:
ارسال یک نظر