سایغی ده یرلی بوتون یولداشلار!/میللی فعالیت لریمدن دولایی دوستاغدا اولدوغوم زامان ان سئودیکلریمدن اولان عزیز آتامی گؤزو یولدا قالارکن ایتیردیم . میللتیمیزین تاپداماغا آلیشان فارس شوونیزمیندن اینسانلارین ایلکین حاقلارینا بئله ، سایغی اومماغینین یئرسیز اولدوغو بیر داها ثبوت اولدو .نئجه کی نئچه ساعاتلیق آتامین سون دؤنه اولاراق یانیندا اولوم دیه دؤنه دؤنه آئیله مین مرخصی دیلکجه سی جاواب سیز قالدی و من بو اؤلکه ده مدنی موباریزه آپاران آزادلیق یولجولارینین اوغرادیغی حاقسیزلیق لارین بیرینه اوغرادیم . آتامین سون آرزوسون یئرینه یئتیرنمه دیم ، اونون سون آنلاریندا یانیندا اولانمادیم ، اوسته لیک تورپاغا تاپشیریلماسیندا بئله قاتیلانمادیم .
آنجاق اینانیرام کی سیز عزیزلر واریکن او تورنده بوشلوغوم دویولمادی.بونلادا آتامین یاس تؤره نینده منیم یئریمی دولدوران سیز عزیزلریمه ، دیرلی یولداشلاریما اؤز سایغی و مینتدارلیغیمی بیلدیرمک ایسته ییرم ، نه یاخشی کی وارسیز .
باشیمیز ساغ اولسون وطن ساغ اولسون
تبریزین مرکزی زیندانی – محمود فضلی ۶/۲/۹۲
هیچ نظری موجود نیست:
ارسال یک نظر