گونئیلی دین خادیمی: ایراندا شووینیزم و ایسلامچیلیق بیر-بیرینه قاریشیب - [آمئریکانین سسی ایله موصاحیبه]

 “بیز شرقی آذربایجان ولایتی مسئوللارینین تبریز و آذربایجان آدینا ائرمنیستانلا علاقه قوراراق، ایشغالچیلارلا قول-بویون اولمالارینا ائعتیراض ائتدیک،” دئیه ایراندا یئدی آی حبسه محکوم اولونموش حجت الاسلام عبدالعزیز عظیمی قدیم سؤیلییر. آذربایجانلی دین خادیمی شرقی آذربایجان ولایتی و ائرمنیستان آراسینداکی علاقەلر، بو علاقەلره ائعتیراض اولاراق ماراغا شهرینده کئچیریلن آکسییالار، هابئله بو ائعتیراضلارا قاتیلدیغی اوچون اؤزونون نظارت آلتینا آلینیب حبس جزاسینا محکوم ائدیلمەسی حاقدا آمئریکانین سسینه موصاحیبه وئریب.

 2012-جی ایل، 27 دئکابردا ایرانین شرقی آذربایجان ولایتی و ائرمنیستان جمهوریتی آراسینداکی علاقەلره ائعتیراض اولاراق ماراغانین موصللا مئیدانیندا کئچیریلن نوماییشه قاتیلان عبدالعزیز عظیمی قدیم و بیر نئچه باشقا فعال، او جوملەدن داوود عظیمزاده، بهمن خالقی و محمد دلنواز حبس اولوناراق تبریزدەکی ایطلاعات حبسخاناسینا گؤندریلمیشدیلر. جناب عظیمی قدیمین سؤزلرینه گؤره، ماراغا آسکییالاریندا ائعتیرازچیلارا قارشی گوج تطبیق اولونماییب، آنجاق پولیس اونلارین چیخیش ائتمەسینه مانع اولوب.

 جناب عظیمی قدیمین دئدیکلەرینه اساسن، پیکئت ایران و ائرمنیستان دئییل، شرقی آذربایجان ولایتی و ائرمنیستان آراسیندا گئنیشلەنن علاقەلره ائعتیراض اولاراق تشکیل ائدیلیب :”بیز ایران و ائرمنیستان علاقەلرینه ائعتیراض ائتمدیک. او باشقا بیر مسالەدیر. قاراباغ قاچقینلارینی هئچه سایاراق آذربایجان و تبریز آدینا ائرمنیستانلا علاقه قوروب، ایشغالچیلارلا قول-بویون اولان شرقی آذربایجان مسئوللارینا ائعتیراض اوچون اؤز قانونی حاقیمیزدان ایستیفاده ائتدیک،” دئیه دین خادیمی وورغولاییب.

 تبریزین ایطلاعات حبسخاناسیندا 45 گون، تبریز زیندانیندا ایسه تقریبن بیر آی حبسده ساخلانیلان جناب عظیمی قدیم ایطلاعات حبسخاناسیندا کئچیردییی مودتده عآئیله عوضولری و وکیلله گؤروشمه حاقینین تامین ائدیلمەمسینی بیلدیریب.

 دین خادیمی تبریزین اؤزل روحانی محکمەسی طرفیندن اونا قارشی ایرەلی سورولن ایتیهاملار حاقدا دانیشماق ایستمییب :” اونلارین قئید ائتدیکلری ایتتیهاملار سادەجه محکمه فورمالیتەلرینی یئرینه گتیرمک اوچوندور و من او فورمالیتەلری تکرار ائتمک ایستمیرم. منیم هانسی سببلر اوزوندن حبس حؤکمو آلدیغیم بللیدیر.”

 عظیمی قدیم دین خادیمی اولماسینا باخمایاراق ایران ایسلام جمهوریتینین باسقیلارینا معروض قالدیغینین سببلرینی بئله ایضاح ائدیب :” شاه دؤنمینده آریاچیلار و شووینیستلر ایسلامچیلاردان آیری ایدی. آما ایران ایسلام جومهوریتی بونلار بیر-بیرلرینه قاریشدی. بیر چوخلاری اوزده موسلمان، آنجاق ایچده آریاچیدیر. بونلاری بیر-بیریندن تانیماق اولمور. اونلار بونونلا آذربایجان حرکاتینی ایسلاما قارشی بیر جریان کیمی تقدیم ائتمک ایستییرلر. بونا گؤره ده بیر دین خادیمینی آذربایجان حرکاتیندا گؤرمک اونلارا آغیر گلیر.”

 او، آریاچی شووینیزمی ایسلامچیلیقدان آییرماغین ضروری اولدوغونو وورغولاییب.

“ایراندا آذربایجان تورکلرینین مسالەسی مدنی و سیاسی بیر مسالەدیر کی، مدنییت و سییاست اورقانلاری اونو حل ائتمەیه چالیشمالیدیرلار. آنجاق ایراندا بو ایش تهلوکه سیزلیک اورقانلارینا حواله ائدیلیب،” دئیه، او، ایراندا آذربایجان مسالەسینین تهولکەسیزلیک قوروملاری الیله حل ائدیلمیجیینی قئید ائدیب.

حجت الاسلام عظیمی-قدیم کئچمیشده ده ایرانین تهلوکه سیزلیک قوروملاری طرفیندن حبس، تعقیب و تضییقلره معروض قالیب. آمنئستی اینتئرناسیونال 2005-2006 ایللرینده اونون حاقیندا اوچ بیانات یاییب. 

بو یازی یوردنت طرفیندن عرب الیفباسینا کوچورولموشدور.

http://www.amerikaninsesi.org/content/article/1704352.html