سون گونلر ایران میللی آنسیکلوپدی عضوو سید جاواد طباطبایی بیر موصاحیبه‌ده
دیلیمیزی و مدنیتیمیزی آشاغیلایان فیکیرلر سسلندیریب. گونئی آذربایجانین علم و قلم صاحبلری بو شخصین
سرسه‌مله‌مه‌لرینه جاواب وئرسه‌لر ده، قوزئی آذربایجانین ضیالی و عالیملرینین
سوکوتو دقتی چکیر. بونونلا باغلی اومید پارتییاسینین خاریج‌ده یاشایان هموطه‌نلرله
ایش اوزره صدر موعاوینی رفعت مورادلی آذربایجانین علم آداملارینا مراجعت ائدیب.
بو باره‌ده «قافقازینفو»یا خبر پارتییانین مطبوعات خیدمتین‌دن
داخیل اولوب. معلومات‌دا، ر. مورادلی بیلدیریب کی، سید جاواد طباطبایی قوزئیین
آکادئمیک دایره‌لرینین ده جاواب وئرمه‌سی واجیب مسئله‌دیر.
«ایران‌دا پرئزیدئنت سئچکیلری اؤنجه‌سی وئریله‌ن ودلری
رئاللاش‌دیرماماق اوچون معین عالیمجیزلری اورتایا آتیبلار کی، بونونلا معین بهانه
الده ائتسینلر. طباطبایی نین سرسه‌م آچیقلاماسینا دا بو یؤن‌دن قیمت وئرمک لازیم‌دیر
«- ر. مورادلی دئییب.
اومید پارتییاسینین صدر موعاوینی سید جاواد طباطبایی نین مئهرنامه
ژورنالینا وئردیی موصاحیبه‌نین کیچیک بیر حیسه‌سینی ترجومه ائد‌رک ضیالی و
عالیملریمیزین نظرینه چاتدیریر.
" اگر تبریزده اینگیلیس، فارس و آذری؟! دیللرین‌ده مکتب
آچیلارسا آذری؟! مکتبینه هئچ ۳۰-۴۰
آدام بئله گئتمز....بو دیل‌ده شاه اثر ساییلان « حیدر بابایا سلام »-دان باشقا بیر
شئی تاپا بیلمزسه‌ن. .آذری؟! دیلینی اونیوئرسیتئتلرده پانتورکیستلر اوچون اوزاق
باشی ایکی ترم تدریس ائتمک اولار.. بو دیل‌ده هان‌سی بشری مدنیت نومونه‌لری وار
کی، هله مکتب ده آچماق ایستییرلر..و نهایت، باکی اونیوئرسیتئتلرینین پروفئسسورلاری
بیر ایران‌لی کندلی قدر ساوادا و شعورا مالیک دئییللر، بونو تجروبه‌مه اساساً
دئییرم »- سید جاواد طباطبایی موصاحیبه‌سین‌ده بو فیکیرلری سسلندیریب.
ر. مورادلی حساب ائدیر کی، یقین علم آداملاریمیزین بو اولای‌دان
کیفایت قدر خبری یوخ‌دور. اگر اونلارین معلوماتی اولسای‌دی، جاوابلاری بو قدر
گئجیکمزدی. هر حال‌دا بو مسئله‌یه سیاست‌چیلردن داها چوخ عالیملریمیز موناسیبت بیل‌دیرمه‌لی‌دیر.
او، حساب ائدیر کی، عالیم و ضیالیلاریمیز بو مسئله‌یه بیگانه قالمایاجاق و
یوبانمادان سید جاواد تباتباییه علمی اساسلارا سؤیکه‌نه‌ن توتارلی جاواب وئره‌جکلر.
هیچ نظری موجود نیست:
ارسال یک نظر