ساوالان پورت : خورداد آيينين اولي (20 گون اول) ايتتيلاات مأمورلاري طرفيندن توتولان تبريزلي گنج فعال و طلبه افسانه توقير يئنيدن ايکي هفته‌ده نظارتده ساخلاناجاق. افسانه توقيرين ساخلانماغا داوام ائتمه‌سي هاقا معلومات بير نئچه اينتئرنئت سايتيندا نشر اولوب.
آمئريکانين سسينين آذربايجاني خيدمتينين موخبيري اونون دورومو ايله باغلي خبر الده ائتمک اوچون افسانه توقيرين عاييله سيله علاقه ساخلاييب، لاکين عاييله احتيمال ائديلديگي کيمي، آلديقلاري تهديدلره گؤرمعلومات وئرمکدن ايمتيناع ائديبلر.
افسانه خانيمين قوهوملاريندان بيري آمئريکانين سسينه اونون شرقي آذربايجانين ايتتيلاات ايداره‌سينين مأمورلاري طرفيندن توتولدوغونوبيلديريب. اونون بير نئچه گون تبريزين باغي شيماليندا و ايمام جوما ائوينين قارشيسيندا بير نفرليک هوجره‌ده ساخلانديغي، بوندان سونرا تبريزين مرکزي حبسخاناسينا آپاريلديغي، ايستينطاقين ايسه ايتتيلاات ايداريسينده کئچيريلدييني بيلديريلير.
افسانه توقيرين قوهومونون سؤزلرينه گؤر، عاييله سي اونونلا گؤروشه بيلمه‌ييب. لاکين او بيلديريب کي، عاييله اوزلري اونون ايتتيلاات طرفيندن توتولدوغو، اونون گوندوزلر ايستينطاقا آپاريليب گئجه‌لري ايسه تبريزين مرکزي حبسخاناسينين قادينلار اوچون آيريلميش حيصه سينه گتيريلديگيندن خبرداردير.
افسانه توقيرين عومومي وضعيتيني تصوير ائدن قوهومو آمئيرکانين سسينين موخبيرينه بونلاري دئييب: "افسانه‌نين حالي ياخشيدير، ساغ و سالاماتدير. حاضيردا سورقو-سوال ائديلير". لاکين معلوم اولدوغو کيمي، عاييله عوضولري اونا قارشي ايره‌لي سورولموش ايتتيهاملاردان خبردار دئييللر.
بعضي خبر وئب سايتلاري بير نئچه آذربايجانلي اونيوئرسيتئت طلبه‌سينين توقيرين عاييله سيله گؤروشدويو هاقدا خبر وئريب. بو گؤروشلردن سونرا مأمورلارين اونلاري تهديد ائتديگي و طلبه‌لره بو گؤروشلر داوام ائتس، اونلارين اؤزلري اوچون پروبلئم ياراناجاغيني دئديگي بيلديريلير. عاييله عوضولرينين موصاحيبه‌دن و معلومات وئرمکدن چکينمه‌سي بو سببله ايضاح ائديلير.
افسانه توقير تبريز اونيوئرسيتئتينين اکينچيليک و کند تصروفاتي فاکولته‌سينين طلبه‌سيدير.او عئيني زاماندا، اونيوئرسيتئتين آذربايجانشوناسليق مرکزينين عوضوودور. آذربايجانشوناسليق مکزينين بير نئچه طلبه‌سي اوللر ده گئچن آيلار توتولوب حبسده ساخلانيبلار.
افسانه توقير ايران آذربايجانيندا موختليف تشکيلاتلار، مدني فعاللار و اطراف موحيط طرفدارلارينين اورمو گؤلونون قوروماسينا اعتيراض اولاراق اهاليني خورداد آيينين بيرينده اعتيراض نوماييشلرينه چاغيرديغي زامان ساخلانميشدي.
اونون اعتيراض نوماييشلرينين باشلاماسيندان اول ساخلانديغي بيلديريلير. ايرانين کئچميش پرئزيدئنت سئييد-محمد خاته‌مي دؤورونده قبول ائديلميش "شهروندليک" قانونلارينا اساسن ساخلانان شخصه قارشي ايره‌لي سورولن ايتتيهاملار و اونون هاردا ساخلانماسي باره‌ده معلومات يازيلي شکيلده اؤزونه و عاييلهسينه بيلديريلمه‌ليدير.آما بو قانون خانيم توقيره شاميل اولماييب.
تبریز سسی
هیچ نظری موجود نیست:
ارسال یک نظر