آهیسکا تورکلرینین وطن موجادیله‌سی داوام ائدیر. بو گون اونلار دونیانینی ۱۰ اؤلکه‌سینه سپلنیبلرسه ده، وطنه قاییدیش اینادین‌دان دؤنمه‌ییبلر. بو گونلرده سورگونون ۶۹-جو ایلینی قئید ائدرکه‌ن چئشیدلی اؤلکه‌لرده توپلومون دقتینی بو خالقین فاجی‌سهینه یؤنلتمه‌یه چالیشیرلار. دوستلاریمیزدان آلدیغیمیز خبره گؤره، دوغو آکده‌نیز اونیوئرسیتئ‌سی (داو) و قکتج آهیسکا تورکلری و دایانیشما درنیینین اورتاق گئرچکلشدیردیی «سورگونون ۶۹-جو ایلین‌ده آهیسکا تورکلری و اونورلو وطن موجادیله‌سی» مؤوضوسون‌دا
کونفرانس تشکیل ائتمیشلر.
کونفرانس کازیماغوسا شهرین‌ده راوف رایف دئنکتاش کولتور و کونگره سارایین‌دا گئرچکلشیب. کونفران‌سا میللت وکیللری، علم آداملاری و طلبه‌لر قاتیلمیش‌دیر.
دونیا آهیسکا تورکلر بیرلیگی (داتوب) گئنئل باشکان وکی‌لی پروف. دؤکتور ایلیاس دوغان طرفین‌دن تشکیل ائدیله‌ن بو کونفرانس‌دا داو-ده تحصیل آلان آهیسکالی طلبه‌لر اؤز میللی رقصلرینی ایفا ائتمیش،دونیا آهیسکا تورکلری بیرلیینین هازیرلادیغی و آهیسکالی تورکلرین تاریخینی آنلادان سینئویزیون گؤستریلمیش‌دیر. پروف. دؤکتور دوغان دونیانین ۱۰ اؤلکه‌سینه داغیلمیش اولان آهیسکا تورکلرینین یاشامیش اولدوقلاری زورلوقلاری و دونیانین ۱۰ اؤلکه‌سین‌ده نشکیلات‌لاناراق، داتوب چاتی‌سی آلتین‌دا توپلانیلاراق وطن تورپاقلاری اولان آهیسکانین گئری آلینماسی
اوچون آپاریلان شرف‌لی موجادیله‌دن سؤز آچمیش‌دیر.
ایلیاس دوغان گنج‌لیگی بو حاق‌لی موجادیله‌نی داها اینادلا سوردورمه‌یه چاغیرویش‌دیر.
هیچ نظری موجود نیست:
ارسال یک نظر