باکی. رئال جعفرلی - آپا. آبش نماینده‌لر پالاتاسی‌نین خاریجی علاقه‌لر کومیته‌سی‌نین نظارت و آراشدیرما اوزره آلت کومیته‌سی‌نین صدری، کونقرئسمئن دانا روهراباکر بو اؤلکه‌ده یاشایان گونئی آذربایجاندان اولان بیر قروپ سیاسی موهاجیرله گؤروشوب. بو باره‌ده آپا-یا آزربایجان میللی دیرنیش تشکیلاتی‌نین (آم د ت) مطبوعات و ایجتیمایتله علاقه‌لر اوزره مسئولو بابک چلبیانلی معلومات وئریب.
اونون سؤزلرینه گؤره، گؤروشده آزربایجان تورکلرینه وئردیگی دستکدن دولایی، عینی زاماندا آبش کونقرئسینده ایراندا یاشایان آزربایجان‌لی‌لارین اؤز موقددراتینی تعیین ائتمه‌سی اوچون رئفراندوم کئچیریلمه‌سی مسئله‌سینی قالدیردیغی اوچون کالیفورنیا‌لی کونقرئسمئنه تشککور ائدیلیب: “بوندان علاوه، د.روهراباکردن ایراندا حقوق‌لاری پوزولان آزربایجان‌لی‌لارین حاقلاری‌نین مدافعه‌سی اوغروندا بو جور فعالیت‌لرینی آرتیرماسی ایستنیلدی. آمئریکا‌لی کونقرئسمن ایسه ایراندا یاشایان آزربایجان‌لی‌لارین وضعیتینی اونلارین اؤز دیل‌لرین‌دن ائشیتمک‌دن ممنون قالدیغینی و گونئی آزربایجان مسئله‌سینی آبش کونقرئسینده یئنی‌دن قالدیراجاغینی سؤیله‌دی. د.روهراباکئر همچینین ایراندا یاشایان آزربایجان‌لی‌لارین وضعیتی حاقدا داها دقیق معلومات آلماق و توپلاماق اوچون بیزدن داوام‌لی شکیلده اونونلا علاقه‌ده اولماغیمیزی ایسته‌دی”.
ب.چلبیانلی دئییب کی، آمئریکا‌لی کونقرئسمن گؤروشده ایراندا یاشایان آزربایجان‌لی‌لارین اؤز موقددراتینی تعیین ائتمک حقوقونون اولدوغونو سؤیله‌ییب: “د.روهراباکر وورغولادی کی، گونئی آذربایجاندا دئموکراتیا و اؤز موقددراتینی تعیین ائتمه حقوقونون حیاتا کئچیریلمه‌سی اوچون بیرگه چالیشماق لازیمدیر و فیکرینی “گونئی آذربایجانا آزادلیق، هر کسه آزادلیق!” شواری ایله تاماملادی”.
قئید ائدک کی، بیر مدت اول د.روهراباکر آبش-این سابیق دؤولت کاتیبی هیللاری کلینتونا مکتوب یازا‌راق آزربایجانین 1828-جی ایلده روسیا و ایران ایمپئریا‌لاری آراسیندا بؤلوشدورولدوگونو بیلدیریب و ایراندا یاشایان آزربایجان‌لی‌لارین اؤز گله‌جک‌لرینی رئفرا ندوم یولو ایله حل ائتمه‌سینه دستک وئرمه‌یه چاغیریب. داها سونرا ایسه آمئریکا‌لی کونقرئسمئن مسئله ایله باغلی آبش نماینده‌لر پالاتاسینا قتنامه تقدیم ائدیب.
هیچ نظری موجود نیست:
ارسال یک نظر