حاشیيه گئتمده ن ،وهر نده ن اونجه اوز تکلیفیمیزی اوزیمیزنن آنلاییب و آنلاتمالییق ،گونئي آزربایجان خالقی و اونون میللی فعاللاری نه ایسته ییرلر؟
دئیرلر کي گوروکن کنده نه بلدچی ! کئچن ایللرده اوزین آيدين گوسته ره ن گونئي آزربایجان میللتینین ایستیقلالا دوغرو حرکتی و اونلارین بو یولدا جاندان و باشدان کئچمه لریدی،ها بئله میللی فعالاریمیزین دا بو اصله اعتیقادی اولاراق الرنینن گلنی اسیرگه میللر.
دئیرلر کي گوروکن کنده نه بلدچی ! کئچن ایللرده اوزین آيدين گوسته ره ن گونئي آزربایجان میللتینین ایستیقلالا دوغرو حرکتی و اونلارین بو یولدا جاندان و باشدان کئچمه لریدی،ها بئله میللی فعالاریمیزین دا بو اصله اعتیقادی اولاراق الرنینن گلنی اسیرگه میللر.
آما سبب نه دير کی بیز بویوک و گوجلو پوتانسیيلیمیز اولا اولا حايلا بیر موشترک بیانیه یازماقدا دا بوقدر عاجیز قالمیشیق ؟
منیم او گروپ یا دسته یا شخيصلرله کی" موطلق ایستیقلالا" اعتیقاد لاری یوخدی و گئرچک لری گورمه دن قوندارما ایستکلری آزربایجان میللتینه نيسبت وئريرلر ایشیم یوخدور ،بوردا و بو مقالدا ساده جه ایستیقلالچیلارااوز توتوب و اونلاردان سوروشورام:سیز ایستیقلال ایسته رکن ،ایستیقلالی الده ائتمک ایچین نه ائدیبسینیز و نه پیلانیز وار ؟سیزین آزربایجان میللتینین ایستيقلال
موطالیبه سی اوغروندا الینیزده ن نه گلیب کی گوروبسینیز و نه ایسته یيرسیز گوره سیزآمما الینیزده ن گلمه يیر؟
اولومسيزايشلئرده ن دانیشماق ایستمیریم و بونو باشقا بیر ماجالا بوراخیرام اما نه لر گوره بیلرسیز و گورمه میسینیز اونلاري بير دانيشماق گره ک .
یقین کی بورا قده ر الینیزده ن گلنین بیر چوخین گوروب آمما بیر چوخین دا ایستر ایستمز گورمه کده ن گوز اورتیب سیز !
کئچن مقاله ده بیر لیدر محورینده بیر واحید سسدن سوز آپاردیم آما بیر لیدرده ن دانیشماقدان هئچ حالدا منظور بو دگیل کی هر کس اونونلا بیرلشیب اوندان دستور آپارسین بلکه هدف بو لیدرین محورینده توپلاشماقدان نیهایت چیخان سسین واحید اولماسیدیر .طبيعي دیر کی بیر سیاسی حرکتده موختلیف نظرلر و موختلف یوللار مطرح اولابیلر آمما بو ایختیلاف ،هدفی شاميل اولمامالیدیر ،هدف گونئی آزربایجانین ایستیقلالیدیر و بونا یئتیشمک ایچین موختلف نظرلر و یوللار مطرح اولابيلر، لاکين بونظرلر ويوللاردان نیهایت واحید بیر یول کی هامینین فیکری و دوشونجه سی اوندا نظره آلینابيلير ،اورتاياچیخیب و اونون استونده توافق اولمالیدیر.
لیدر دئمک بو دگیل کی بير شخص اوز دئدیگین باشقالارينا تحمیل ائدسین ،بلکه لیدر دئمک بودور کی باشقالارین نظری اونون واسیته لیگینن گونده مه گليب و بو شکيلده حرکتین ایقتیداري قارشي طرفه گوستریليب و اونلاری تاثیر آلتینا آلابیلسين یوخسا هر کس ایستیقلال سسلنیرآمما بوسسلر،اوقده ر
چوخدور کی اوز سسیمیز اوز سسیمیزین ایچینده ایتیب کیمسه اونو ائشیده بیلمیر.
بو نه دئمک؟معناسی بودور کی آزربیجانین میللی حرکتینده او قده ر،های هارای وارکی بیز اوزیمیز اوز سسیمیزی هئچ ائشیدمیریک ،بس هاردا باشقاسی بو سسي ائشیده بیلر کی؟
میللی حرکت بیر بویوک توپلانتييا بنزه ییر کی هامی اوندا ايشتيراک ائتمک ايسته يير ،هامي بیر سوز دئیر امما بو بیر سوز، موختليف شکیللرده و هاوادا ائله قارماقاریشیق ائشيديليرکي کناردان باخان هئچ آنلایا بیلمیر کی بو توپلانتیدا هارای چکنلر نه دئیير؟نده ن دئیر و بلکه ده بئله آنلاشیلير کی بیز اوزوموز نن ساواشیريق.
لیدر دئمک یعنی بو کی ،سسلر ایشدیلیب، نظرلر جلب اولوب و هر کس ساکیت دوروب اجازه وئرسین کی بیر واحید سس قارشي طرفي و ناظيرلري متوجه ائله سین کی بو توپلومون سوزو ندير؟
آزربایجانین ایستیقلالی چوخ یاخیندیر اگر و یالنیز اگر قادیر اولابيلک بو موختليف سسلري بیر واحیدشکيلده بیان ائدک و بودا بیزي لیدر سئچمک زوروندا قويور.
* سیته ده یاییملانان یازیلار ساوالان پورت طرفیندن اونایلانما آنلامینا گلمز.
هیچ نظری موجود نیست:
ارسال یک نظر