آزربایجان میللی
حرکاتی نین داخیلده کی ۱۰
تانینمیش فعالی، آجلیق اعتصابیندا اولان بئش “یئنی گاموح” لیدرینه بیر مکتوب
واسیطه سی ایله موراجیعت ائدرک، اونلاردان اعتصابلارینی دایاندیریب، دالی
سالمالارینی تقاضا ائتمیش لر. یئنی گاموح رسمی وبسیته سینه اساسا مکتوب مورداد
آیینین ۱۵
-ی رجایی شهر حبس
خاناسیندا اولان بئش سیاسی محبوسا چاتدیریلیب. هله لیک، اعتصابدا اولان محبوسلار
بو مکتوبا موناسیبت بیلدیرمه ییب لر.
مکتوبون متنی و
فارسجا ترجومه سی:
حؤرمتلی دوکتور
لطیف حسنی ، مهندس محمود فضلی،آیت مهر علی بیگلو ، بهبود قلی زاده و مهندس شهرام
رادمهر جنابلاری
میلّتیمیزین
دَیَرلی و سئچگین اوغوللاری!
سیزین بو گونکو
دورومونوزو بیز ائشیکده و ائویمیزده اولاراق بیلیریک و چوخ نیگران حالدا ایزله
ییریک. بیز بیلیریک کی، سیز مدنی چالیشمادان باشقا اؤلکه یه تهلکه یارادان بیر ایش
گؤرمه ییب سینیز لاکین اوزون سوره لی حَبسه محکوم اولوبسونوز .
بیزده سیز کیمی بو
۹ ایل حبسی نه اینکی سیزه، بلکه مدنی
یولدا چالیشان هئچ بیر کیمسه یه روا گؤرموروک و اینانیریق کی، سیزین آجلیق
آکسیاسیلا باشلادیغینیز بو یئنی مجادله حرکتین تاریخینده یئنی بیر صحیفه آچمیشدیر
، لاکین سیزین ساغلاملیغینیز عائیله نیزه، بیزه، و باشقا مدنی یولدا چالیشانلارا
چوخ اؤنملی دیر .
بونا گؤره ده
سیزدن خواهیش ائدیریک ، عائیله نیزین ، بیزیم و حتی ساغلاملیغینیزا نیگران اولان
مینلر اینسانلارین تقاضا و ایسته یینه مثبت جاواب وئریب ان آزی کئچیجی و موقتی ده
اولموش اولسا ، آجلیق اکسانیزی دایاندیریب و دالی سالاسینیز .
طبیعی دیر بیزده
مسئول مقاملاردان گؤزله ییریک بو مسئله یه مثبت نظرله یاناشیب سیزه وئریلن حؤکمو
یئنی دن گؤزدن کئچیریب عادلانه بیر محکمه قورولماسینا اقدام ائتسین لر .
و من ا… التوفیق ۱۵/۵/۱۳۹۲
۱- حسن هرگلی ( دمیرچی)
۲- منوچهر عزیزی
۳- حسن راشدی
۴- حسین محمدخانی ( گونئیلی)
۵- عباس لسانی
۶- اکبر آزاد
۷- حمید شافعی
۸- علیرضا صرافی
۹- جلال کودریلو
۱۰- سعید متین پور
هیچ نظری موجود نیست:
ارسال یک نظر